اسلام آباد (این این آئی)موٹروے پولیس نے ایمانداری کی ایک اور داستان رقم کرتے ہوئے دو کروڑ اْنتالیس لاکھ روپے مالکان کے حوالے کر دیئے ۔موٹروے پر محمد ایاز فیملی کی گاڑی کو حادثہ پیش آگیا،زخمیوں کو طبی امداد کیلئے روانہ کیا گیا،جائے حادثہ پر کار کی تلاشی لینے پر دو کروڑ اْنتالیس لاکھ روپے برآمد ہوئے۔ موٹروے پولیس نے رقم اپنے قبضہ میں لے کر

مالکان سے رابطہ کیا،تصدیق کرنے کرنے پر رقم مالکان کے حوالے کر دی گئی ،محمد ایاز نے موٹروے پولیس کا شکریہ ادا کیا۔انسپکٹر جنرل نیشنل ہائی ویزاینڈ موٹروے اے ڈی خواجہ نے افسران کی ایمانداری پر شاباش کے ساتھ انعام کا بھی اعلان کیا۔آئی جی موٹر وے پولیس نے کہاکہ بلا امتیاز قانون کا نفاز،بروقت مدد اور ایمانداری موٹروے پولیس کا طرہ ِامتیاز ہے۔