اسلام آباد(سی پی پی )وفاقی وزیر سائنس اینڈ ٹیکنالوجی فواد چوہدری کا کہنا ہے کہ پارٹی میں کوئی اختلاف ہے نہ ہی حکومت کہیں جا رہی ہے،جمہوری نظام کی کامیابی کیلئے عمران خان کی کامیابی ضروری ہے۔تفصیلات کے مطابق فواد چوہدری نے سماجی رابطے کی ویب سائٹ ٹویٹر پر اپنے پیغام میں جمہوریت اور عمران خان کو لازم و ملزوم قرار دیتے ہوئے لکھا کہ ہمارا اتفاق ہے جمہوری نظام کی کام یابی کے لئے

عمران خان کی کام یابی ضروری ہے۔اپنے ٹوئٹر پیغام میں فواد چوہدری نے کہا کہ حکومت کہیں نہیں جا رہی ہے، پارٹی میں کوئی اختلاف نہیں ہے۔فواد چوہدری نے کہا کہ نظر دوڑائیں ہمارے ساتھ آزاد ہونے والے ممالک کہاں کھڑے ہیں؟ تب احساس ہو گا کہ اس عرصے میں ہم نے کیا کھویا اور کیا پایا۔اپنے ایک اور ٹویٹ میں انہوں نے ماضی کی حکومتوں پر شدید تنقید کرتے ہوئے کہا کہ سِول ادارے آج مکمل تباہ شدہ حالت میں ہیں۔