اسلام آباد (این این آئی)وزیر اعظم کے معاون خصوصی برائے صحت کا نرسز کی تنخواہوں میں اضافے کا اعلان کرتے ہوئے کہاہے کہ وفاقی نرسز کا دیرینہ مطالبہ تھا کہ ان کے وظائف اور الائونسز کو بڑھایا جائے اورصوبوں میں کام کرنے والی نرسز کے برابر کیا جائے ۔
ایک بیان میں انہوں نے کہاکہ وفاق میں کام کرنے والی سٹوڈنٹس نرسز کا ماہانہ سٹایپنڈ 6800 سے بڑھا کر 20000 ہزار کر دیا ہے ۔ڈاکٹر ظفرمرزا نے کہاکہ گریڈ سولہ کی ریگولر نرسز mess الائونس پانچ سو سے بڑھا کر آٹھ ہزار کردیا ہے۔ ڈاکٹر ظفرمرزا نے کہاکہ ریگولر نرسز کا ڈریس الائونس چھ سو سے بڑھا کر تین ہزار کر دیا ہے ۔ڈاکٹر ظفرمرزا نے کہاکہ اس اضافے پر حکومتی اخراجات کا تخمینہ 228.547 ملین سالانہ ہو گا ،وزیراعظم عمران خان کی طرف سے عید کا تحفہ ہے ۔ڈاکٹر ظفرمرزا نے کہاکہ نرسز کے شعبے میں حکومت نے بہتری کا عزم کر رکھا ہے،نرسز کو مراعات دینے کا یہ پہلا قدم ہے ۔ڈاکٹر ظفرمرزا نے کہاکہ اضافے کا اطلاق نئے مالی سال سےہو گا ۔ڈاکٹر ظفرمرزا نے کہاکہ نرسنگ کا کردار صحت کے شعبے میں ریڑھ کی ہڈی کی حیثیت رکھتا ہے۔انہوں نے کہاکہ نرسنگ کی ترقی کے بغیر صحت کا شعبہ ترقی نہیں کر سکتا ۔انہوں نے کہاکہ وزیراعظم کے ویژن کے مطابق صحت اولین ترجیح ہے۔اس شعبے کی ترقی کے لیے تمام وسائل بروئے کار لائیں گے ۔
