لاہور( این این آئی)پاکستان مسلم لیگ (ن) پنجاب کے صدر انا ثنااللہ خان نے کہا ہے کہ فردوس باجی آپ اپنے نئے باس کو خوش کر کے عوام کو بے وقوف نہیں بنا سکتی ،ووٹ چور سیلیکڈد وزیراعظم کو کیا پتہ آئین اور قانون کیا ہوتا ہے ،آج بھی نواز شریف کی قیادت میں عدلیہ بحالی تحریک کی گونج سنائی دے رہی ہے ،نواز شریف کی قیادت میں عدلیہ بحالی تحریک پاکستان کی تاریخ کا روشن باب ہے ۔ معاون خصوصی فردوس عاشق اعوان کے بیان پر اپنے
رد عمل میں رانا ثنا اللہ خان نے کہا کہ رات کے اندھیروں میں اعلی عدلیہ کی معزز جج صاحبان کے خلاف ریفرنس بنانا سے سیلیکڈ حکومت کی بد نیتی ظاہر ہوتی ہے ،عمران نیازی کی پارلیمنٹ اور پی ٹی وی پر حملہ ،سول نافرمانی کی کال ، ہنڈی کے ذریعے پیسے منگوانے کی مہم قوم کے ذہنوں میں آج بھی تازہ ہے ۔فردوس باجی ، مار دو، گرا دو، جلا دو، او آئی جی ، منتخب وزیراعظم کو گلے سے گھسیٹ دو کے نعروں کی گونج آج تک ڈی چوک میں زندہ ہے۔
