لاہور ( این این آئی) پاکستان مسلم لیگ (ن) نے کہا ہے کہ عالمی مارکیٹ میں پیٹرولیم مصنوعات کی قیمتیں کم ہو رہی ہیں ،عمران نیازی اینڈ کمپنی فی لیٹر پیٹرول پر پہلے ہی 48روپے ٹیکس وصول کررہی ہے۔مسلم لیگ (ن) پنجاب کی سیکرٹری اطلاعات اطلاعات عظمیٰ بخاری نے کہا کہ
نواز شریف نے مشکل حالات میں بھی پیٹرول 65روپے فی لیٹر عوام کو دیا۔ناکام نیازی عوام پر مہنگائی مسلط کرکے خود پوری کابینہ کے ساتھ سرکاری خرچے پر عمرہ کرنے چلا گیا ہے۔اگر پیٹرولیم کی قیمتوں میں اضافہ کیا گیا تو بھرپو رد عمل دیا جائے گا۔انہوں نے کہا کہ ناکام نیازی کی ایمنسٹی سکیم بھی اس کی طرح ناکام ہو گئی ہے۔ انہوں نے کہا کہ تبدیلی سرکاری کی ایمنسٹی سکیم متعارف ہونے کے بعد 8ہزار افراد ٹیکس نیٹ سے باہر ہو گئے ہیں،دس ماہ کے دوران ہر ادارے کا خسارہ اربوں تک پہنچ چکا ہے ۔پی آئی اے کا خسارہ 45ارب ،ریلوے کا خسارہ 38ارب سے زائد ،سٹیل مل کا خسارہ 36ارب ،بجلی کا خسارہ 247ارب ،گیس چوری خسارہ 50ارب تک پہنچ گیا ہے۔دس ماہ نا کام نیازی اور درباریوں نے کام کی بجائے پراپیگنڈے پر توجہ رکھی۔
