اسلام آباد(آن لائن)قومی اسمبلی کے رواں اجلاس میں علی وزیر کے پروڈکشن آرڈر ز جاری نہ کرنے کا فیصلہ سامنے آیاہے۔ذرائع کا کہنا ہے کہ علی وزیر کی گرفتاری سے متعلق آج ہی سپیکر آفس کو باضابطہ طور پر آگاہ کیا گیا ہے۔قومی اسمبلی سیکرٹیریٹ رکن قومی اسمبلی محسن داوڑ کی گرفتاری سے بھی تاحال لاعلم ہے۔ میڈیا رپورٹ کے مطابق علی وزیر کے پروڈکشن آرڈر ز جاری کرنے سے متعلق کوئی تحریری درخواست
بھی نہیں ملی۔تحریری درخواست ملنے کے بعد بھی پروڈکشن آرڈرز کے اجرا کے لئے چودہ روز کا وقت ہوتا ہے۔یاد رہے پیپلزپارٹی کے چیرمین بلاول بھٹو زرداری جنوبی وزیرستان سے رکن قومی اسمبلی علی وزیر کے پروڈکشن ا?رڈر جاری کرنے کا مطالبہ کرچکے ہیں۔واضح رہے کہ پاک فوج کی چیک پوسٹ پر مبینہ حملے میں ملوث رکن قومی اسمبلی محسن داوڑ کو شمالی وزیرستان سے گرفتار کرنے کی خبر آج ہی سامنے آئی ہے۔
