اسلام آباد(سی پی پی )سابق وزیراعظم راجہ پرویز اشرف نے اسلام آباد میں پیپلزپارٹی کے مظاہرین پر واٹر کینن کے استعمال کے حوالے سے الزام عائد کیا ہے کہ تحریک انصاف حکومت نے پیپلزپارٹی کے کارکنان پر کھولتا ہوا پانی پھینکا ہے، انہوں نے کہا کہ کارکنان پر لاڑھی چارج کیا گیا۔
اور آنسو گیس برسائی گئی لیکن اس سے کارکنان ڈرنے والے نہیں ہیں۔سابق وزیراعظم نے کہا کہ تحریک انصاف حکومت کے دن گنے جا چکے ہیں۔دوسری جانب پاکستان پیپلز پارٹی کے چیئرمین بلاول بھٹو زرداری نے کہا ہے کہ تبدیلی والے ڈرتے ہیں جبکہ سابق چیف جسٹس کے بیان کے بعد بھی حکومت کو تنقید برداشت نہیں۔بلاول بھٹو زرداری کی نیب ہیڈکوارٹر پیشی کے موقع پر کارکنان پولیس نے جیالوں کو روکنے کی کوشش کی، اس موقع پر پولیس اور پارٹی کارکنان میں ہاتھا پائی بھی ہوئی تاہم پولیس نے کارکنان کو منتشر کرنے کے لیے واٹر کینن کا استعمال کیا اور تین کارکنان کو گرفتار کر لیا۔ڈی چوک پہنچنے والے پیپلز پارٹی کے کارکنان کو منتشر کرنے کے لیے پولیس کی جانب سےشیلنگ کا بھی استعمال کیا گیا۔چیئرمین پیپلز پارٹی بلاول بھٹو زرداری نے قومی احتساب بیورو (نیب) کے سامنے پیشی سے قبل سماجی رابطہ کی ویب سائٹ ٹوئٹر پر کہا کہ کچھ دیر میں نیب راولپنڈی میں پیشی کے لیے روانہ ہو جائوں گا جبکہ ہم نے احتجاج کی کوئی کال نہیں دی تھی لیکن پھر بھی پارٹی کارکنان اسلام پہنچنا شروع ہو گئے۔
