شکارپور،لاہور(سی پی پی،این این آئی )شکار پورمیں خاتون کا ایڈزمیں مبتلاہونا جرم بن گیا،سفاک شوہربہادررند نے اپنی زوجہ زرینہ خاتون کو گلہ دبا کر قتل کر دیا ۔میڈیا رپورٹس کے مطابق شکار پورکے علاقے ڈکھن میں خاتون کا ایڈزمیں مبتلاہونا جرم بن گیا۔سفاک شوہربہادررند نے اپنی زوجہ زرینہ خاتون کو گلہ دبا کر قتل کر دیا،ملزم بھائیوں کے ساتھ مل کر زرینہ کی لاش کو درخت سے لٹکانے کے بعد فرارہو گیا،پولیس نے
خاتون کے دیگر لواحقین سے ایچ آئی وی ایڈز کی رپورٹ طلب کر لی ہے۔دوسری جانب سندھ کے بعد ایڈز کے موذی مرض نے پنجاب کا رخ کر لیا‘ضلع گجرات میں ایڈز کے مریضوں کی ہوشربا تعداد سامنے آگئی،بڑی تعداد میں بچے بھی شامل،نجی ٹی وی کے مطابق ضلع گجرات میں ایڈز کے مریضوں کی ہوشربا تعداد سامنے آئی ہے۔سی ای او ہیلتھ ڈاکٹر زاہد تنویر کے مطابق موذی مرض میں ناصرف بڑے بلکہ بچوں کی بھی ایک بڑی تعداد شامل ہے۔
