لاہور(این این آئی)چیئرمین نیب جسٹس (ر) جاوید اقبال سمیت متعدد دیگر افراد کو بلیک میل کرنے والے گرہ کیخلاف 36 افراد گواہی دیں گے،نیب نے آرٹیکل 161کے تحت متاثرہ افراد سمیت 36 افراد کے بیانات قلمبند کرلئے ہیں۔ نجی ٹیو ی کے مطابق چیئرمین نیب جسٹس (ر) جاوید اقبال سمیت دیگر افراد کو بلیک میل کرنے والے گروہ کی سر کردگی کرنے والے فاروق نول اور طیبہ گل کے خلاف گواہان کی فہرست مرتب کر لی گئی ہے جن میں جوڈیشل مجسٹریٹ، پولیس آفیسرز،

سرکاری ملازمین اور، بنکنگ ماہرین شامل ہیں۔بہاؤ الدین ذکریا یونیورسٹی کے ملازمین،سیکرٹری یونین کونسل پیر محل بھی گواہان کی لسٹ میں شامل ہیں۔جوڈیشل مجسٹریٹ عاطف خان، پولیس انسپکٹر شوکت علی، ڈپٹی ڈاریکٹر نیب محمد عمران،ہدایت اللہ، نور حکیم، صبا حامد، گلشن پروین، زوہیب خان،محمد راشد، قصر رضوان، صفدرحسین ساجد، آصف رضا،شاہین خان، آصف رضا، نیاز احمد، اللہ دتہ، بشیر احمد عدالت میں گواہی دیں گے۔تمام گواہان عدالت میں نیب کے موقف کی تائید کریں گے۔