جنیوا(نیوزڈیسک) امریکی وزیرخارجہ جان کیری کو سائیکلنگ کا بہت شوق ہے اور وہ ہر دورے پر اپنی سائیکل لے کر جاتے ہیںسوئٹزرلینڈ کے شہر جنیوا کے ایک ہسپتال کے ترجمان نے تصدیق کی ہے کہ فرنچ ایلپس میں سائیکلنگ کرتے ہوئے گرنے کے باعث امریکی وزیر خارجہ جان کیری کی ٹانگ ٹوٹ گئی ہے۔امریکی وزیرِ خارجہ کے ترجمان کا کہنا ہے کہ جان کیری کی حالت خطرے سے باہر ہے۔یہ حادثہ فرانس کے اس علاقے میں پیش آیا جو سوئٹزرلینڈ اور فرانس کی سرحد سے 40 کلومیٹر کے فاصلے پر واقع ہے۔اس حادثے کے بعد امریکی
وزیر خارجہ کو ہیلی کاپٹر کے ذریعے جنیوا کے ہسپتال منتقل کیا گیا۔وہ سوئٹزرلینڈ میں ایران کے ساتھ جوہری معاہدے کے حوالے سے آئے ہوئے تھے۔انھیں پیر کو ایک دفاعی معاہدے پر دستخط کے لیے میڈرڈ بھی جانا تھا۔جان کیری کے ترجمان جان کربی کا کہنا ہے کہ اس حادثے میں جان کیری ہوش ہی میں رہے۔جان کیری کو سائیکلنگ کا بہت شوق ہے اور وہ ہر دورے پر اپنی سائیکل ساتھ لے کر جاتے ہیں۔
