اسلام آباد (این این آئی)پاجوک افغان نیوز نے پشتون تحفظ موومنٹ (پی ٹی ایم) کے مظاہرے کے حوالے سے پراپیگنڈہ تصویر جاری کر دیں بعد میں غلطی تسلیم کرتے ہوئے معافی مانگ لی۔ تفصیلات کے مطابق پاجوک افغان نیوز نے پی ٹی ایم کے مظاہرے کے حوالے سے پراپیگنڈہ تصویر جاری کی تھی۔ سوشل میڈیا پر کسی اور واقعے کے زخمیوں کی پرانی تصاویر کو موجودہ واقعہ
سے جوڑ کر پراپیگنڈہ کیا جا رہا تھا۔ بعد ازاں میڈیا نے غلطی تسلیم کرتے ہوئے معافی مانگ لی۔پاک فوج کے شعبہ تعلقات عامہ (آئی ایس پی آر) کے مطابق محسن داوڑ اور علی وزیر کی قیادت میں گروپ نے شمالی وزیرستان کے علاقہ خار قمر میں چیک پوسٹ پر حملہ کیا۔ یہ لوگ ایک روز قبل پکڑے گئے دہشت گردوں کے سہولت کار کو چھڑانا چاہتے تھے۔
