لاہور (آن لائن) برکی کے علاقے میں دو متحارب گروپوں کے درمیان تصادم کے نتیجے میں مقامی ایم پی اے حاجی نذیر اپنے بعض ساتھیوں سمیت زخمی ہو گئے، تصادم کی اطلاع ملتے ہی ریسکیو 1122 کی امدادی ٹیمیں اور فائر بریگیڈ کا عملہ جائے وقوعہ پر پہنچ گیا جس نے امدادی سرگرمیوں

کا آغاز کرتے ہوئے زخمیوں کو ہسپتال منتقل کیا۔ دونوں متحارب گروپوں کے درمیان تصادم کی وجہ اراضی بتائی جاتی ہے جس پر ایم پی اے حاجی نذیر کا مخالف فریق قبضہ کرنا چاہتا تھا۔ تاہم مقامی پولیس نے دونوں پارٹیوں کے لوگوں کے خلاف مقدمہ درج کر کے تفتیش شروع کر دی ہے۔