اسلام آباد (آن لائن) چیئرمین نیب جنسی سکینڈل کی تحقیقات کا دائرہ وسیع کردیا گیا ،اسلام آباد کے اعلیٰ افسران کے خلاف بھی تحقیقات کا فیصلہ  کرلیا گیا ہے۔ ان افسران میں گریڈ 20 اور 22 کے اعلیٰ افسران بھی شامل ہیں ان افسران نے سازش کے ذریعے چیئرمین نیب کو اپنے جال میں پھنسایا ہے ان افسران کا تعلق پی ٹی اے‘ آئی ٹی منسٹری‘ اسٹیبلشمنٹ اور پی ایم سیکرٹریٹ وغیرہ سے ہے۔

اس سکینڈل میں پی ٹی وی کے سابق ایم ڈی بھی ملوث نکلے ہیں جن کے خلاف پہلے ہی نیب میں تحقیقات جاری ہیں۔ان افسران کے خلاف کرپشن تحقیقات حتمی مراحل میں ہیں اور نیب کے چیئرمین کو بلیک میل کرکے اپنے مقدمات ختم کرانا چاہتے ہیں نیب حکام نے فاروق نول سے معلومات لے کر افسران کے گرد گھیرا تنگ کردیا ہے۔