اسلام آباد (این این آئی)سیکرٹری اطلاعات پیپلز پارٹی پارلیمنٹرین نفیسہ شاہ نے کہاہے کہ چیئرمین نیب کے متعلق نجی نیوز چینل کی رپورٹ ان کا ذاتی معاملہ ہے ۔ ایک بیان میں نفیسہ شاہ نے کہاکہ پیپلز پارٹی نیب سے متعلق اپنے قانونی اور اصولی موقف پر قائم ہے۔انہوںنے کہاکہ چیرمین نیب کے متعلق نجی نیوز چینل کی رپورٹ ان کا ذاتی معاملہ ہے ۔انہوںنے کہاکہ نجی چینل اور پی ٹی آئی
قیادت کے تعلقات کے حوالے سے تحقیقات ہونی چاہیے۔انہوںنے کہاکہ جن دوچینل نے خبر بریک ہے ان کے مالکان وزیر اعظم آفس میں بیٹھتے ہیں۔انہوںنے کہاکہ عمران حکومت کس طرح دبائوکے حربے استعمال کر رہی ہے ۔انہوںنے کہاکہ وزیر داخلہ اعجاز شاہ کے کردار کاجائزہ لینے کی بھی ضرورت ہے۔انہوںنے کہاکہ پیپلز پارٹی کسی کے ذاتی کردار پر سیاست نہیں کرتی۔
