اسلام آباد(این این آئی)وزارت مواصلات نے سفری سہولیات کے لئے بنائی گئی ایپلیکیشن آئی او ایس آپریٹنگ سسٹم پر بھی متعارف کروا دی ۔انٹیلی جنٹ انٹرفیس وائس سسٹم پر مشتمل ایپلی کیشن اب آئی فون یوزرز بھی استعمال کر سکیں گے،وفاقی وزیر مواصلات مراد سعید کی ہدایت پر ہم سفر ایپ کا ورڑن آئی او ایس پر لانچ کر دیا گیا،اس سے قبل ایپلیکیشن صرف اینڈرائڈ صارفین ہی استعمال کر سکتے تھے،ایپ کے ذریعے تمام موبائل صارفین

ایمرجنسی کی صورت میں موٹر وے کنٹرول روم سے رابطہ کر سکتے ہیں،ایپلی کیشن مسافر کا ہنگامی پیغام فوری طور پر کنٹرول روم تک ٹرانسمٹ کرتی ہے،ایپلی کیشن کے استعمال سے موٹر وے پر موجود امدادی ٹیمیں مسافروں کی بروقت مدد کر رہی ہیں۔ امدادی ٹیم کی روانگی اور موجودہ لوکیشن مسافر براہ راست مانیٹر کر سکتا ہے،ایپ کے ذریعے سفر سے قبل بارش ,دھند یا ٹریفک جام کی پیشگی اطلاع بھی حاصل کی جا سکتی ہے۔

موضوعات:آئی او ایس آپریٹنگ سسٹم وفاقی وزیر مواصلات مراد سعید