اسلام آباد (این این آئی)رن وے کی مرمت کے باعث سیالکوٹ ایئر پورٹ عارضی طورپر بند کر دیا گیا،پی آئی اے نے سیالکوٹ سے آپریٹ ہونے والی پروازیں لاہور کے لئے ری شیڈول کر دیں، ترجمان کے مطابق بدھ 22 مئی کو شارجہ سے سیالکوٹ کی پرواز Pk210 اب لاہور آئے گی۔بدھ 22 مئی کو سیالکوٹ سے ریاض کی دوطرفہ

پروازیں PK755 اور PK 756 اب لاہور سے آپریٹ ہوں گی۔ بدھ 22 مئی کو سیالکوٹ سے کراچی کی پرواز PK397 لاہور سے کراچی کے لئے روانہ ہو گی۔بدھ 22 مئی کو جدہ سے سیالکوٹ کی دوطرفہ پروازیں PK746 اور PK745 لاہور کے لئے چلائی جارہی ہیں۔پی آئی اے نے سیالکوٹ ائر پورٹ رن وے کی بندش کی وجہ سے مسافروں کو ہونے والی زحمت پر معذرت کی۔