لاہور (ٓن لائن) وزیر اعلیٰ پنجاب سردار عثمان بزدار نے اپنے ہی بنائے گئے میرٹ کی اپنے ہی ہاتھوں دھجیاں بکھیر دیں۔ جس کی مثال محکمہ بلدیات میں گریڈ 16 کی خاتون ملازم مریم جعفری کو سینئر پوسٹ پر تعینات کرنے کے لئے ایوان وزیر اعلیٰ میں باقاعدہ نئی پوسٹ نکالی اور مریم جعفری کو اس پوسٹ پر ڈائر یکٹر فنانشل ایڈوائزر تعینات کر دیا۔
مریم جعفری جس کے بارے میں یہ بھی بتایا گیا ہے کہ وزیر اعلیٰ پنجاب سردار عثمان بزدار کے بعض رشتہ دار اس کے سفارشی ہیں اور اس دبائو میں وزیر اعلیٰ نے مریم جعفری کو نوازنے کے لئے نہ صرف ایوان وزیر اعلیٰ میں اضافی پوسٹ کری ایٹ کی بلکہ مریم جعفری کی تعیناتی کے نوٹیفکیشن میں ان کے گریڈ کو بھی چھپایا گیا۔
