لاہور (این این آئی)حکومت نے کالعدم تنظیموں کے مفرور ارکان کو قومی دھارے میں شامل کرنے کیلئے اقدامات شروع کر دئیے۔ بتایا گیا ہے کہ قانون نافذ کرنے والے اداروں نے کالعدم تنظیموں کے مفرور ارکان کیخلاف کارروائی شروع کر دی ہے تاکہ انہیں قومی دھارے میں واپس شامل کیا جائے۔
یہ امر قابل ذکر ہے کہ پنجاب حکومت نے حالیہ مہینوں میں کالعدم تنظیموں کے اداروں، مدارس، سکولوں اور ڈسپنسریوں کو اپنی تحویل میں لے لیا تھا اور اس ماہ ان مفرور ارکان کی جگہ ان اداروں میں کام کرنے والوں کو پنجاب حکومت کی طرف سے تنخواہیں ادا کی گئی ہیں۔
