کراچی(این این آئی) پیپلز پارٹی کے رہنما غلام قادر پلیجوکے خلاف نیب نے انکوائری ختم کردی ہے۔پیپلز پارٹی رہنما غلام قادر پلیجوکیخلاف غیر قانونی اثاثے بنانے کے کیس میں نیب نے انکوائری ختم کردی ہے۔سندھ ہائیکورٹ نے نیب کو غلام قادر پلیجو کا زر ضمانت اور پاسپوٹ واپس کرانے کی ہدایت کردی۔تفتیشی افسر نے بتایاکہ غلام قادر پلیجو کے خلاف ثبوت نہیں ملے۔ عدالت نے کہا کہ انکوائری ختم کرنے کا اپروول کہاں ہے؟ جس پر

تفتیشی افسرنے بتایاکہ پریس ریلیز جاری کردی ہے،آخری میٹنگ کے بعد اپروول جاری کیا جائے گا۔بعد ازاں عدالت نے عدالت کی نیب کو غلام قادر پلیجو کا زر ضمانت اور پاسپوٹ واپس کرانے کی ہدایت کر دی۔واضح رہے کہ 29 مارچ کو قومی احتساب بیورو سندھ ہائیکورٹ میں رہنما پیپلزپارٹی غلام قادر پلیجوکیخلاف غیرقانونی اثاثے بنانے کا الزام ثابت کرنے میں ناکام ہو گئی جس کے بعد غلام قادر پلیجو کو کلین چٹ مل گئی تھی۔