اسلام آباد (این این آئی)پاکستان پیپلز پارٹی نے ایک بارپھر مطالبہ کیا ہے کہ حکومت آئی ایم ایف معاہدے کی شرائط پارلیمان کے سامنے پیش کرے۔ جمعہ کو بلاول بھٹو زرداری اور آصف زرداری کی زیر صدارت پیپلز پارٹی کا مشاورتی اجلاس ہوا جس میں راجہ پرویز اشرف۔ قمر الزمان قائرہ۔ چودھری منظور۔ مصطفی نواز کھوکھر۔ فرحت اللہ بابر اور دیگر شریک ہوئے۔ اجلاس میں
ملک کی موجودہ سیاسی اور معاشی صورتحال کا جائزہ لیا گیا۔اجلاس میں آئی ایم معاہدے سمیت ڈالر کی بڑھتی قیمت اورمہنگائی کی صورتحال پر بھی غور آئی۔ پیپلز پارٹی نے مطالبہ کیا کہ حکومت آئی ایم ایف معاہدے کی شرائط پارلیمان کے سامنے پیش کرے۔اجلاس میں رمضان کے بعد حکومت کے خلاف تحریک چلانے کے حوالے سے بھی مشاورت کی گئی۔
