سرگودھا (سی پی پی )سرگودھا میں بیوی کو شوہر سے موبائل چھیننا مہنگا پڑ گیا اور بیوی کو میاں نے شدیدتشدد کا نشانہ بنا ڈالا ۔نجی ٹی وی کے مطابق سرگودھا کے علاقہ 29بلاک کی رہائشی خاتون رخسانہ بی بی کو اپنے شوہر پر غیر عورت سے تعلقات کا شبہ تھا جس پر جیسے ہی اس کا خاوند گھر میں داخل ہوا تو اس نے موبائل چھین

لیا ۔ شوہر نے بیوی کو موبائل چھیننے پر شدید تشدد کا نشانہ بنایا تاہم اہل علاقہ نے آ کر خاتون کی شوہر سے جان بچائی اور اسے تشویشناک حالت میں ہسپتال منتقل کیا ۔ خاتون کے چہرے اور سر پر چوٹیں آئیں ۔خاتون کی دو بیٹیاں ہیں تاہم رخسانہ بی بی نے اپنے شوہر اصغر علی کیخلاف متعلقہ تھانہ میں کارروائی کیلئے درخواست دیدی ہے ۔