اسلام آباد (این این آئی)وزیر اعظم کی معاون خصوصی برائے اطلاعات ونشریات ڈاکٹر فردوس عاشق اعوان نے کہاہے کہ ملک کو آئی ایم ایف تک پہنچانے کے ذمہ دار لیٹروں کی چیخیں نکل رہی ہیں ، سارے چور شور مچا رہے ہیں ابھی اور مچائیں گے ، بلاول صاحب آپ کی حکومت کی پرفارمنس کی قیمت سندھ کے معصوم بچے اپنی جانیں دے کر ادا کررہے ہیں۔
جمعہ کو ایک بیان میں انہوںنے کہاکہ بلاول صاحب آپ کی حکومت کی پرفارمنس کی قیمت سندھ کے معصوم بچے اپنی جانیں دے کر ادا کررہے ہیں ۔انہوںنے کہاکہ اسلام آباد میں شور مچانے کے بجائے انہیں سندھ کے متاثرہ بچوں او ر ان کے والدین کے ساتھ ہوناچاہیے ۔ انہوںنے کہاکہ قوم جانتی ہے کہ سارے چور شور مچا رہے ہیں ابھی اور مچائیں گے ۔انہوںنے کہاکہ عوام وزیر اعظم عمران خان کی قیادت پر اعتماد کرتے ہیں جو قوم کی امید ہیں ۔انہوںنے کہاکہ چیخیںان کی نکل رہی ہیں جو اس ملک کو آئی ایم ایف تک پہنچانے کے ذمہ دار لیٹرے ہیں جن کا مال انہیں رلا رہا ہے ۔
