اسلام آباد(نیوز ڈیسک) رمضان المبارک کے دوسرے روز بجلی کی پیداوار طلب سے بڑھ گئی، پاور ڈویژن کے مطابق 8 مئی بروز بدھ چھ بج کر تیس منٹ تک ملک میں بجلی کی طلب 19 ہزار 489 میگاواٹ رہی جبکہ بجلی کی 21 ہزار میگاواٹ ریکارڈ فراہمی ریکارڈ کی گئی۔ پاور ڈویژن کے ذرائع کا کہنا ہے کہ ملک میں تمام فیڈرز پر
بجلی کی فراہمی بغیر کسی تعطل کے جاری رہی۔ پاور ڈویژن کے ذرائع کا کہنا ہے کہ جن فیڈرز پر تیکنیکی وجوہات کی بناء پر بجلی کی فراہمی متاثر ہے لیکن ان کے علاوہ تمام فیڈرز کو بجلی کی فراہمی جاری رہی۔وزیراعظم کی ہدایت کے مطابق رمضان المبارک میں بجلی کی بلاتعطل فراہمی کو یقینی بنایا جا رہا ہے۔
