اسلام آباد (نیوز ڈیسک) معروف صحافی و تجزیہ کار ڈاکٹر شاہد مسعود نے ایک نجی ٹی وی چینل کے پروگرام میں گفتگو کرتے ہوئے کہا کہ وفاقی کابینہ میں تبدیلیاں تو ہو رہی ہیں لیکن میں اس بات پر تاحال قائم ہوں کہ وزیراعظم اسمبلیاں توڑنے والے ہیں، معروف صحافی نے کہا کہ آج کل عمران خان کافی غصے میں ہیں اسی وجہ سے ایسے فیصلے کر رہے ہیں۔ وزیراعظم نے کابینہ کے اجلاس میں یہاں تک کہہ دیا تھا کہ جس نے جانا ہے وہ چلا جائے۔واضح رہے کہ کابینہ ڈویڑن کی جانب سے جاری ہونے والے نوٹیفکیشن میں فواد چوہدری، غلام سرور خان، شہریار آفریدی اور
اعجاز احمد شاہ کی وزارتوں کی تبدیلی کا ذکر موجود ہے۔فواد چوہدری پہلے وزیرِ اطلاعات کے فرائض انجام دے رہے تھے تاہم اب وہ وفاقی وزیر برائے سائنس اینڈ ٹیکنالوجی کی ذمہ داری نبھائیں گے۔غلام سرور خان سے وفاقی وزیر برائے پیٹرولیم کا چارج واپس لے کر وزیر ہوابازی کا چارج دے دیا گیا۔اس کے ساتھ ساتھ وزیرِ مملکت برائے داخلہ کی ذمہ داریاں نبھانے والے شہریار آفریدی کو اب وفاقی وزیر برائے ریاستی اور سرحدی علاقوں (سیفرون) کا چارج دے دیا گیا جبکہ وفاقی وزیر پارلیمانی امور بریگیڈئیر(ر) اعجاز احمد شاہ کو وزیرِ داخلہ کا قلمدان سونپ دیا گیا۔
