لاہور(این این آئی)اداکارہ و گلوکارہ رابی پیرزادہ نے کہا ہے کہ پاکستان کی معزز شہری ہونے کے ناطے اپنی ذمہ داریوں سے اچھی طرح آگا ہ ہوں، اپناٹیکس ہر سال باقاعدگی سے جمع کراتی ہوں اور ایف بی آر کی جانب سے نوٹس موصول ہونے کی خبروں میں کوئی حقیقت نہیں ۔ ’’ این این آئی ‘‘ سے خصوصی گفتگو کرتے ہوئے رابی پیرزاد ہ نے کہا کہ مجھے علم ہے کہ کسی بھی ملک کا نظام ٹیکسوں کے

ذریعے چلتا ہے اور پاکستان جیسے ملک کیلئے ٹیکس محصولات کا جمع ہونا کس قدر ضروری ہیں ۔ میں سمجھتی ہوں کہ جو شخص ٹیکس دینے کی استطاعت رکھنے کے باوجود اس کی ادائیگی نہیں کرتا وہ اپنے ملک اور غریبوں کا حق مارتا ہے ۔ انہوں نے کہا کہ میں ہر سال اپنے ٹیکس گوشوارے جمع کراتی ہوں اور ایف بی آر کی جانب سے فی الوقت نوٹس ملنے کی خبروں میں کوئی حقیقت نہیں ۔