لاہور (این این آئی) فیشن شو میں چست لباس پہننے پر ماڈل و اداکارہ ہانیہ عامر کو مداحوں نے شدید تنقید کا نشانہ بنا ڈالا۔ ہانیہ نے مقامی فیشن شو کے آخری روز تنگ ٹریک سوٹ پہن کر کیٹ واک کی تھی۔رپورٹ کے مطابق حانیہ عامر نے پاکستان فیشن ڈیزائن کونسل کے زیر اہتمام فیشن کے آخری روز فیشن ڈیزائنر نومی انصاری کا لباس پہن کر کیٹ واک کی جو ایک تنگ قسم کا ٹریک سوٹ تھا جس میں حانیہ عامر کے خدوخال نمایاں ہو رہے تھے۔جب
اداکارہ کی اس ڈریس کے ساتھ تصاویر سوشل میڈیا پر اپ لوڈ ہوئیں تو نہ صرف حانیہ عامر بلکہ فیشن ڈیزائنر نومی انصاری کو بھی شدید تنقید کا نشانہ بنایا گیا۔بعض مداحوں کا کہنا ہے کہ اللہ معاف کرے اب تو انتہاء ہی ہو چکی ہے ‘حیاء ایمان کا لازمی جزو ہے ‘جب حیاء ہی نہ رہے تو ایمان کہاں ہے۔جب معاشرہ یہاں تک پہنچ جائے تو پھر اسے تباہی سے کوئی نہیں بچا سکتا۔اس طرح کے فیشن ڈیزائنر بھی اللہ کے عذاب کو دعوت دیتے ہیں ۔
