لاس اینجلس (این این آئی)معروف امریکی ایپک سائنس فکشن فلم سیریز ’اسٹار وارز‘ کی سیکوئل ٹرائلوجی کی آخری فلم سامنے آگئی اور مجموعی طور پر یہ فلم ’اسٹار وارز‘ کی نویں مرکزی فلم ہے۔اسٹار وارز کے بینر تلے مرکزی فلموں کے علاوہ بھی دیگر فلمیں بنائی گئی ہیں تاہم اس سیریز کی

اب تک 8 مرکزی فلمیں ریلیز ہوچکی ہیں اور اب اس سیریز کی 9 ویں فلم کا پہلا ٹریلر جاری کردیا گیا۔اسٹار وارز‘ سیکوئل ٹرائلوجی کے سلسلے کی آخری اور تیسری فلم دی رائز آف اسکائی واکر کو رواں برس دسمبر تک ریلیز کیا جائیگا۔یہ سیکوئل ٹرائلوجی کی تیسری اور آخری فلم ہے، سیکوئل ٹرائلوجی کی پہلی فلم ’دی فورس اویکن2015 میں ریلیز کی گئی تھی ، اس کے تحت دوسری فلم ’دی لاسٹ جڈائے‘ 2017 میں ریلیز کی گئی تھی۔اب اسی سیکوئل ٹرائلوجی کی تیسری اور آخری فلم ’دی رائز آف اسکائی واکر‘کو رواں برس دسمبر میں ریلیز کیا جائیگا۔’دی رائز آف اسکائی واکر‘ مجموعی طور پر ’اسٹار وارز‘ کی نویں فلم ہے جس میں ڈیزی ریڈلے، ایڈم ڈرائیور، جان بوئگا، آسکر ایساک، لپیتا نیونگ اور کیلی میری ترن سمیت دیگر اداکار ایکشن میں دکھائی دیں گے۔سیریز کی نویں فلم کی خاص بات یہ ہوگی کہ اس میں اداکارہ کیری فشر کی کچھ ان دیکھی جھلکیاں بھی شامل ہیں۔