لاہور ( این این آئی)لاہو رہائیکورٹ کی جانب سے حمزہ شہباز کو گرفتار نہ کرنے کا عبوری فیصلہ آنے کے بعد کارکنوں نے نیب کی گاڑیوں کے سامنے بھنگڑے ڈالے ، کارکنوں نے نیب کی ایک گاڑی کا گھیرا ؤ کر لیا اور اس کے اوپر چڑھ کر نعرے لگاتے رہے ۔ تفصیلات کے مطابق ڈپٹی ڈائریکٹر چوہدری اصغر کی سربراہی میں نیب کی ٹیم تین گاڑیوں کے ہمراہ حمزہ شہباز شریف کی رہائشگاہ کے باہرموجود رہی ۔
لاہو رہائیکورٹ کا فیصلہ آتے ہی کارکنوں نے قیادت کے حق میں نعرے لگاتے ہوئے جشن منانا شروع کر دیا ۔ اس موقع پر کارکنوں نے حکومت اور نیب کے خلاف بھی نعرے لگائے ۔ کارکنوں کے ایک ٹولے نے نیب کی گاڑیوں کے آگے بھنگڑے ڈالے اور قیادت کے حق میں نعرے لگائے جبکہ کچھ کارکنوں نے نیب کی ایک گاڑی کا گھیراؤ کیا اور اس کے اوپر چڑھ کر نعرے لگاتے رہے ۔
