لاہور (نیوز ڈیسک) زمبابوے کیخلاف گزشتہ روز کھیلے گئے دوسرے ٹی ٹوینٹی میچ کیلئے ریگولر وکٹ کیپر سرفراز احمد کی جگہ موقع پانے والے رضوان احمد پر بورڈ ضرورت سے زیادہ مہربان ہوگیا اور رضوان کو نائب کپتان کا عہدہ بھی ” غلطی سے“ دے ڈالا۔تفصیلات کے مطابق قومی ٹیم میں شامل سرفراز احمد نہ صرف وکٹ کیپنگ کرتے ہیں بلکہ دونوں طرز کی کرکٹ میں نائب کپتان کا عہدہ بھی رکھتے ہیں۔ گزشتہ روز ان کی جگہ شامل ہونے والے رضوان احمد کا نام اظہر الیون میں شامل تو تھا ہی تاہم دلچسپ بات یہ ہے کہ ان کے نام کے ساتھ نائب کپتان کا لفظ بھی لکھا ہوا تھا۔ یہ غلطیوں ان فہارست میں پائی گئی جو میچ سے قبل صحافیوں کو فراہم کی گئی تھیں۔ وضاحت پر پی سی بی کے ترجمان نے کہا کہ ایسا غلطی سے ہوا ہے اور نائب کپتان کے عہدے پر کوئی تبدیلی نہیں کی گئی ہے۔