اسلام آباد(وائس آف ایشیا)سعودی ولی عہد شہزادہ محمد بن سلمان آج شام 7 بجے نور خان ائیر بیس پر لینڈ کریں گے جہاں وزیراعظم عمران خان انکے استقبال کے لیے موجود ہوں گے۔تفصیلات کے مطابق کے مطابق آج سعودی تخت کے وارث اور ولی عہد شہزادہ محمد بن سلمان اسلام آباد کا دورہ کریں گے اور ان کے دورے کے دوران متعدد معاہدوں پر دستخط متوقع ہیں۔

سعودی ولی عہد شہزادہ محمد بن سلمان شام 7 بجے نور خان ائیر بیس پر لینڈ کریں گے۔اس موقع پروزیراعظم اورکابینہ کے سینئرارکان سعودی ولی عہدکاایئرپورٹ پر استقبال کریں گے۔سعودی ولی عہدکی پاکستان آمدپرانہیں21توپوں کی سلامی دی جائیگی۔پاک فضائیہ کادستہ معززمہمان کوسلامی دیگا۔شہزادہ محمدبن سلمان کی گاڑی وزیراعظم خودچلائیں گے جبکہ ولی عہدمحمدبن سلمان وزیراعظم ہاؤس میں قیام کریں گے۔سعودی شاہی خاندان کے ارکان،وزراء اورممتازکاروباری شخصیات کاوفد بھی پاکستان آئیگا۔سعوی ولی عہدکے دورے کے دوران سیکیورٹی کے فول پروف انتظامات کئے گئے ہیں۔وزیراعظم ہاؤس میں ظہرانہ اورایوان صدرمیں عشائیہ دیاجائیگا۔سعودی وفدکی حفاظت کیلیے4سیکیورٹی حصارہوں گے۔پولیس اوردیگرفورسزکے4ہزارسیزیادہ اہلکارتعینات کیے جائیں گے۔پہلاحصار اسلام آبادپولیس اوردوسرارینجرزکاہوگا۔تیسراحصارفوجی اہلکاروں اورچوتھاشاہی گارڈزپرمشتمل ہوگا۔اس موقع پر پارلیمنٹ ہاؤس اسلام آبادکی عمارت پرشہزادہ محمدبن سلمان کاقوی ہیکل پورٹریٹ نصب کر دیا گیا ہے۔پورٹریٹ کی لمبائی 120 فٹ اورچوڑائی 45 فٹ ہے۔پورٹریٹ چیئرمین سینیٹ صادق سنجرانی نے ذاتی خرچ سے تیارکرایا ہے۔

اس موقع پر سعودی ولی عہد وزیراعظم عمران خان، صدر پاکستان اور آرمی چیف سے ملاقات کریں گے۔سعودی وفود کی جانب سے پاکستانی حکام کے ساتھ ملاقاتیں کی جائیں گی جبکہ ایوان صدر میں منعقدہ تقریب میں سعودی ولی عہد کو نشان پاکستان سے نوازا جائے گا۔