اسلام آباد (مانیٹرنگ ڈیسک) ایک اور غیر ملکی لڑکی کا پاکستانی لڑکے پر دل آگیا، پنجابی لڑکے کی ہنگری کی 35سالہ لڑکی سے شادی، سال پہلے فیس بُک پر دوستی ہوئی تھی۔میڈیا رپورٹس کے مطابق ا یک سال پہلے ساہیوال کے شاہد گجر کی کی تیمیا سا بو سے فیس بُک پر دوستی ہوئی تھی۔ لڑکی نے پہلے اسلام قبول کیا جس کے بعد اس کا نام عائشہ رکھا گیا ۔ شاہد گجر اور عائشہ کے نکاح کی تقریب فرید ٹائون ساہیوال میں منعقد ہوئی۔ تقریب میں

دلہے کے عزیز واقارب اور دوستوں نے شرکت کی۔ دلہے اور دلہن نے گفتگو کرتے ہوئے کہا کہ وہ دونوں بہت خوش ہیں۔ لڑکی کا کہنا تھا کہ پنجابی منڈے سے شادی کرکے بہت خوش ہوں۔لڑکے کے بھائی علی کھٹانہ کا کہنا تھا کہ ہم بہت فخر اور مسرت محسوس کررہے ہیں کہ ہمارے بھائی نے ایک غیر مسلم خاتون کو مسلمان کرکے شادی کی۔ واضح رہے کہ اس سے پہلے امریکہ ودیگر ممالک کی خواتین بھی پاکستان آکر اپنا گھر بسا چکی ہیں