سڈنی (این این آئی)آسٹریلوی پیسر جوش ہیزل ووڈ انجری کے باعث پاکستان کے خلاف ون ڈے سیریز سے باہر ہوگئے۔میڈیا رپورٹ کے مطابق جوش ہیزل ووڈ بھارت کے خلاف ٹیسٹ سیریز کے دوران کمر کی تکلیف کا شکار ہوئے تھے،وہ بھارت کیخلاف ون ڈے سیریز سے پہلے ہی باہر ہوگئے تھے۔ اب فیصلہ ہوا ہے کہ انہیں پاکستان کے خلاف یو اے ای میں شیڈول5 ون ڈے میچز میں کھلانے کا خطرہ مول
نہیں لیا جائیگا۔جوش ہیزل ووڈ نے کہاکہ جمعہ کو نیا اسکین کروائے جانے پر صورتحال واضح ہوگی تاہم مسلسل بہتری کی طرف گامزن ہوں، پوری کوشش کروں گا کہ ورلڈکپ سے سے قبل وارم اپ میچ کھیلنے کے قابل ہو جاؤں، اگر ایسا موقع مل گیا توردھم میں آنا مشکل نہیں ہوگا۔یاد رہے کہ مارچ میں آسٹریلوی ٹیم نے بھارت کے بعد یو اے ای میں پاکستان کے ساتھ بھی 5 ون ڈے میچز کی سیریز کھیلنا ہے۔
