کراچی(نیوز ڈیسک) قومی احتساب بیورو(نیب) کو مختلف مقدمات میں مطلوب ملزم اور پی ٹی آئی کے رہنما لیاقت جتوئی ملک سے باہر چلے گئے، لیاقت جتوئی کا نام نیب کی سفارش پر ای سی ایل میں بھی شامل ہے۔ مختلف مقدمات میں نیب کو مطلوب ملزم تحریک انصاف کے رہنما لیاقت جتوئی ای سی ایل میں نام ہونے کے باوجود بیرون ملک کیسے روانہ ہو گئے، اس حوالے سے ذرائع کا کہناہے کہ لیاقت جتوئی نے ایک دن قبل ون ٹائم پرمیشن
کے لیے وزارت داخلہ کو درخواست دی تھی جو اسی دن منظور کرلی گئی،جس کے بعد لیاقت جتوئی اسی دن ملک سے باہر چلے گئے۔لیاقت جتوئی نے 4فروری تک کے لیے ملک سے باہر رہنے کی اجازت مانگی ہے۔واضح رہے کہ وزارت داخلہ نے ون ٹائم پرمیشن کی درخواست منظور کرنے کے لیے نیب کو اعتماد میں نہیں لیا، جبکہ نیب ترجمان نے بتایاکہ نیب نے لیاقت جتوئی کوملک سے باہر جانے کی اجازت نہیں دی۔
