اسلا م آباد(آن لائن)مسلم لیگ(ن) کے رہنما رانا ثنا اللہ نے کہا ہے کہ وزیراعظم عمران خان کی ہمشیرہ علیمہ باجی کی چندے و صدقے سے خریدی مزید جائیدادوں کی تفصیلات ہمارے پاس موجود ہیں ابھی تو باجی کی چوری کی پہلی قسط آئی ہے تو ذہنی حالت خراب ہو گئی ہے۔ ہفتہ کو فواد چوہدری کے بیان پر رد عمل دیتے ہوئے رانا ثنا اللہ نے کہا کہ عوام کے چندے کے پیسوں سے غیر قانونی جائیدادیں کیوں اورکہاں کہاں بنائی گئی گئیں جواب دیں ابھی تو پارٹی شروع
ہوئی ہے فواد چودھری بتائیں علیمہ باجی نے چندے کی کتنی چوری کی ہے اور کتنی جائیدادیں بنائی ہیں فوادچودھری صاحب غیر قانونی جائیدادیں علیمہ باجی کی نکلی ہے حسن ، حسین نواز کی نہیں،بتایا جائے کہ عمران خان کے بچے کس ملک کے شہری ہیں اور کہاں کہاں ہیں، علیمہ باجی کی چوری کا جواب دیں حسن اورحسین نوازجھوٹے الزامات کا جواب دے چکے ہیں فواد چودھری بتائیں علیمہ باجی نے چندے کے پیسوں میں کتنی کمیشن کھائی ہے۔
