میلبور ن (این این آئی)بھارت کے ہاتھوں ٹیسٹ سیریز میں تاریخی شکست کے بعد آسٹریلین سلیکٹرز نے ٹیم میں اکھاڑ پچھاڑ کرتے ہوئے سری لنکا کے خلاف سیریز کیلئے 13 رکنی اسکواڈ کا اعلان کردیاجس کے مطابق ایرون فنچ، مچل مارش اور شان مارش ڈراپ، نوجوان بلے باز ول پوکوسکی پہلی مرتبہ اسکواڈ میں شامل ہونے میں کامیاب ہوگئے ۔تفصیلات کے مطابق آسٹریلیا اور سری لنکا کے درمیان دو ٹیسٹ میچز پر مشتمل سیریز کا آغاز 24 جنوری سے ہوگا جس کیلئے

کینگروز ٹیم میں کئی اہم تبدیلیاں کی گئی ہیں۔سری لنکا کے خلاف ٹیسٹ سیریز کے لیے اوپننگ بلے باز اور ون ڈے ٹیم کے کپتان ایرون فنچ کو ڈراپ کردیا ٗ مچل مارش اور شان مارش بھی ٹیم میں جگہ نہ بناسکے۔ نوجوان بلے باز ول پوکوسکی پہلی مرتبہ آسٹریلوی اسکواڈ میں شامل ہونے میں کامیاب ہوگئے، میٹ رنشا اور جو برنس کی آسٹریلوی ٹیم میں دوبارہ واپسی ہوئی ہے۔ٹم پین بدستور آسٹریلوی ٹیم کی قیادت کے فرائض انجام دیں گے اور جوش ہیزلی وڈ نائب کپتان ہوں گے۔