اسلام آباد(نیوز ڈیسک) اپریل 2015ءکے دوران گزشتہ مالی سال کے اسی عرصہ کے مقابلہ میں کروڈ پٹرولیم کی ملکی درآمدات میں 49 ملین ڈالر کی کمی واقع ہوئی ہے ۔ ادارہ برائے شماریات پاکستان (پی بی ایس ) کے اعداد وشمار رواں مالی سال میں ماہ اپریل 2015ءکے دوران کروڈ پٹرولیم کی ملکی درآمدات کا حجم 386ملین ڈالر تک کم ہوگیا جبکہ گزشتہ مالی سال میں اپریل 2014ءکے دوران کروڈ پٹرولیم کی ملکی درآمدات کا حجم 435ملین ڈالر ریکارڈ کیا گیا تھا۔ اسطرح اپریل 2014ءکے مقابلے میں اپریل 2015ءکے دوران کروڈ پٹرولیم کی درآمدات کی مد میں 49ملین ڈالر کے قیمتی زرمبادلہ کی بچت ہوئی ہے ۔