اسلام آباد(نیوز ڈیسک)رواں مالی سال 2014-15ءکے پہلے دس ماہ کے دوران مختلف بینکوں نے 368.7 ارب روپے کے زرعی قرضے جاری کئے ہیں جو گزشتہ مالی سال کے اسی عرصہ کے مقابلے میں 28فیصد زائد ہیں۔ سٹیٹ بینک آف پاکستان کی رپورٹ کے مطابق جاری مالی سال کیلئے زرعی قرضوں کیلئے 500ارب روپے کا ہدف مقرر کیا گیا تھا اور مالی سال کے پہلے دس ماہ (جولائی 2014ءتا اپریل 2015ء)کے دوران ہدف کے 73.7فیصد قرضے جاری کئے جاچکے ہیں۔ رپورٹ کے مطابق گزشتہ مالی سال میں جولائی 2013ءتا اپریل 2014ءکے دوران زرعی بینکوں کی جانب سے کاشتکاروں کو 288.4 ارب روپے کے زرعی قرضہ جات جاری کئے گئے تھے ۔