اسلام آباد (مانیٹرنگ ڈیسک)معروف اینکر اور اسکا شوہر گاڑیوں کی چوری میں ملوث نکلے، آئس نشے کے عادی، ایس پی کلفٹن سوہائے عزیز نے رنگے ہاتھوں پکڑ لیا۔ تفصیلات کے مطابق کراچی کے پوش علاقے ڈی ایچ اے سے گاڑیوں کی چوریوں کا معمہ ایس پی کلفٹن سوہائےعزیز نے حل کر لیا ، چور کوئی اور نہیں بلکہ معروف اینکر سیدہ سلمیٰ عرف مہک اور اس کا شوہر نکلے۔ پریس کانفرنس سے خطاب کرتے ہوئے ایس پی کلفٹن سوہائے
عزیز نے بتایا کہ دونوں میاں بیوی آئس نشے کے عادی ہیں اور نشہ پورا کرنے کیلئے گاڑیاں چوری کیا کرتے تھے۔ دونوں نے پسند کی شادی کی تھی۔ سوہائے عزیز کا مزید کہنا تھا کہ دونوں میاں بیوی کراچی کے پوش علاقوں سے گاڑیاں چوری کرتے اور خود ہی ان کی نمبر پلیٹس تبدیل کردیتے تھے۔ واردات میں ناکامی کی صورت میں نشہ پورا کرنے کیلئے گاڑیوں کی بیٹریاں چرا کر فروخت کردیا کرتے تھے۔
