اسلام آباد(مانیٹرنگ ڈیسک)علی رضا عابدی ایم کیو ایم چھوڑنے کے بعد کونسی پارٹی جوائن کرنے والے تھے؟ حیران کن انکشاف سامنے آگیا۔ تفصیلات کے مطابق ایم کیو ایم کے سابق رہنما علی رضا عابدی کو گزشتہ رات ان کے گھر کے سامنے گاڑی میں بیٹھے ہوئے نامعلوم ملزمان نے فائرنگ کر کے جاں بحق کر دیا ہے۔ علی رضا عابدی ایم کیو ایم چھوڑ چکے تھے اور ان کو اس سے قبل بھی جان سے مارنے کی دھمکیاں ملتی رہی تھیں تاہم علی رضا عابدی کے
قتل کے بعد پیپلزپارٹی کے رہنما سعید غنی نے ایسا انکشاف کر دیا ہے جس نے سب کو حیران کر دیا ہے۔ سعید غنی نے اپنے ٹویٹر پیغام میں انکشاف کیا ہے کہ علی رضا عابدی پیپلزپارٹی جوائن کرنے والے تھے اور اس حوالے سے ان کی علی رضا عابدی کے ساتھ کئی میٹنگز ہو چکی تھیں جن سے متعلق نہ تو علی رضا عابدی اور نہ ہی میں نے کبھی میڈیا پر بات کی۔ سعید غنی نے اپنے پیغام میں مقتول کے خاندان سے اظہار تعزیت کرتے ہوئے ان کیلئے صبر جمیل کی دعا کی ہے۔
