اسلام آباد(مانیٹرنگ ڈیسک)مریم نواز کی کوٹ لکھپت جیل لاہور میں اپنےوالد اورسابق وزیراعظم نواز شریف سے ملاقات، گھر سے کھانا، روزمرہ استعمال کی ضروری چیزیں ہمراہ لے کر آئیں، موجودہ سیاسی صورتحال سمیت اہم امور پر تبادلہ خیال، ملاقات ایک گھنٹہ جیل حکام کی نگرانی میں جاری رہی۔ تفصیلات کے مطابق سابق وزیراعظم نواز شریف کی صاحبزادی نے ان سے کوٹ لکھپت جیل لاہور میں ملاقات کی ہے جو کہ ایک گھنٹہ جاری رہی ۔ مریم نواز والد کیلئے گھر سے کھانا،
روزمرہ استعمال کی ضروری چیزیں ہمراہ لے کر آئیں جبکہ اس دوران دونوں باپ بیٹی کے درمیان سیاسی صورتحال سمیت اہم امور پر تبادلہ خیال کیا گیا۔ مریم نواز کی ملاقات جیل حکام کی نگرانی میں کرائی گئی ۔ واضح رہے کہ نوازشریف کو بیرک نمبر ایک میں رکھا گیا ہے جہاں انہیں ٹی وی، اخبار، ذاتی لباس، گھر کے بستر سمیت دوسری سہولیات مہیا کی گئی ہیں۔خیال رہے کہ یہ وہی بیرک نمبر ایک ہے جس میں مشرف کی ایمرجنسی کے دوران آصف علی زرداری اور عمران خان بھی قید کاٹ چکے ہیں۔
