لاہور(این این آئی) مسلم لیگ (ن)کے مرکزی رہنما ورکن اسمبلی رانا ثناء اللہ نے کہاکہ شیخ رشید اپنی تقاریر، زبان اور رویے سے ملک میں فساد اور انتشار پھیلانے کی کوشش کر رہا ہے۔مسلم لیگ (ن)کے رکن قومی اسمبلی راناثنااللہ نے وزیرریلوے شیخ رشید کے بیان پر رد عمل دیتے ہوئے کہا کہ پاکستان کی عوام نے شیدا ٹلی کی سیاست کا تابوت بنانا شروع کردیا ہے، نواز شریف کے بوٹ چاٹنے والا آج عمران خان کا چپڑاسی بنا ہوا ہے، عمران کو ٹانگہ پارٹی کہنے والا پھر اسی ٹانگے کے پائیدان سے
لٹک گیا۔رانا ثنااللہ نے کہاکہ شیخ رشید ایک بار پھرجمہوریت پہ ڈاکہ ڈالنے کی سازش میں شامل ہے، جمہوریت کے ایسے کفن چور ملک دشمن اور عوام کے غدار ہیں، جمہوریت چور شیخ رشید دوبارہ ملک کو اندھیروں کی طرف لے جانے کی کوشش کررہا ہے، راولپنڈی کا شیطان اور بھانڈ عوام کو اپنی بداعمالیوں کا جواب دے۔رہنما مسلم لیگ (ن)نے کہا کہ نواز شریف کے نام پرووٹ لے کر آمریت کی گود میں جا بیٹھا، شیخ رشید جیسے کفن چوروں کی وجہ سے جمہوریت کی قبریں کھودی گئیں۔
