لاہور( این این آئی)سابق وزیر اعظم و مسلم لیگ (ن) کے قائد محمد نواز شریف نے اپنی رہائشگاہ کے باہر استقبال کیلئے جمع کارکنوں سے ملاقات کیلئے گاڑی رکوا لی ۔گزشتہ روز اسلام آباد سے لاہور واپسی پر مسلم لیگ (ن) کے قائد محمد نواز شریف نے اپنی رہائشگاہ جاتی امراء کے باہر رکن پنجاب اسمبلی مرزا جاوید کی قیادت میں جمع

کارکنوں کو دیکھ کر اپنی گاڑی رکوالی ۔ اس موقع پر نواز شریف نے خاتون کارکن کے سر پر ہاتھ رکھ کر شفقت کا اظہار کیا ۔ نواز شریف نے کارکنوں کو مخاطب کرتے ہوئے کہا کہ دعا کریں جس کے جواب میں کارکنوں نے کہا کہ ہم ہر وقت آپ کیلئے دعا گو رہتے ہیں ۔ کچھ دیر رکنے کے بعد نواز شریف اپنی رہائشگاہ کے اندر داخل ہو گئے ۔