نئی دہلی (این این آئی)سابق بھارتی کپتان مہندرا سنگھ دھونی کی بیگم کی سینڈل کی کلپ باندھتے ہوئے تصاویر سوشل میڈیا پر وائرل ہو گئیں۔بھارتی میڈیا کے مطابق دھونی کی اہلیہ نے سوشل میڈیا پر شوہر کی جانب سے سینڈل کی کلپ باندھتے ہوئے تصاویر پوسٹ کرتے ہوئے لکھا کہ جوتے آپ نے دلائے ہیں تو ان کو آپ ہی باندھیے۔تصاویر پوسٹ کرنے کی دیر تھی کہ سوشل میڈیا پر وائرل ہو گئی جس پر صارفین نے دلچسپ تبصرے کیے ۔

ٹروانصافینز نامی صارف نے کہا کہ صرف حقیقی مرد ہی خواتین کی عزت کو سمجھ سکتا ہے۔ابھیشیک سنگھ نامی صارف نے لکھا کہ دھونی کی طرح سب مردوں کو ایسے کام کرنے پڑتے ہیں۔ایک اور پروین نامی صارف کے مطابق اس کو سچا پیار کہتے ہیں۔یاد رہے کہ دھونی اپنے بچوں کے ساتھ بھی تفریح کی ویڈیو پوسٹ کرتے رہتے ہیں اور انہوں نے پچھلے سال پاکستانی کپتان سرفراز کے بیٹے کے بھی خوب لاڈ اٹھائے تھے۔