کیلیفورنیا(مانیٹرنگ ڈیسک) ایک نوجوان نے محض 4 مہینے میں اپنے جسم کو بدلنے کا حیران کن کارنامہ سرانجام دیا اور اب اس کا راز بھی بتادیا ہے۔ ویسے تو بیشتر مردوں کو اپنا جسم بنانے کا شوق ہوتا ہے مگر مصروفیات کے نتیجے میں زیادہ دھیان نہیں دے پاتے۔
جس کے نتیجے میں توند اور کھال لٹکنے لگتی ہے۔ ایسا ہی کچھ 28 سالہ فل فلوک کے ساتھ بھی ہوا جس نے گزشتہ سال کے آخر میں خود کو جسمانی طور پر فٹ بنانے کے لیے 2 ماہ کا وقت دیا تھا۔ جرمنی سے تعلق رکھنے والا یہ نوجوان اب کیلیفورنیا میں مقیم ہے اور اس نے جسم بنانے کے لیے انوکھا طریقہ اپنایا۔ خود ساختہ ‘اسنیک ڈائٹ’ اور روزانہ وزن اٹھانے کو عادت بناکر اس نوجوان نے یہ کارنامہ سرانجام دیا، تاہم ڈاکٹر اس طریقہ کار کو خطرناک قرار دیتے ہیں۔ اسنیک ڈائٹ میں ایک وقت میں 8 دن تک فاقہ کرنا بھی شامل ہے جس کے دوران بس پانی پیا جاسکتا ہے۔ اس ڈائٹ میں اکثر 3 دن تک ہر ایک یا 2 گھنٹے میں ایک مخصوص مشروب بھی تیار کرکے پینا ہوتا ہے جو کہ پانی، نمک، پوٹاشیم کلورائیڈ، بیکنگ سوڈا اور میگنیشم سلفٹ سالٹ شامل ہوتا ہے۔ اس طریقہ کار کو اپنانے والوں کا دعویٰ ہے کہ اس سے جگر میں شوگر لیول گرتا ہے جس کے نتیجے میں جسم چربی کو توانائی کے لیے گھلانے لگتا ہے۔ تاہم طبی ماہرین کا کہنا ہے کہ اس طرح کی غذا انتہائی کطرناک ثابت ہوسکتی ہے کیونکہ 3 دن کا فاقہ ہی صحت کو نقصان پہنچانے کے لیے کافی ہے۔ فل فلوک نے اس طریقہ کار کو اس وقت اپنانے کا فیصلہ کیا جب 8 سال کے دوران اس کا وزن کافی بڑھ گیا اور توند باہر نکل گئی۔
