بھوبنیشور(آئی این پی)ایف آئی ایچ ہاکی ورلڈ کپ کے سیمی فائنل لائن اپ مکمل ہوگئی ہے، میگا ایونٹ کے دونوں سیمی فائنلز(آج)ہفتہ کو کھیلے جائینگے۔پہلا سیمی فائنل انگلینڈ اور بیلجئم کے درمیان پاکستانی وقت کے مطابق شام5بجے جبکہ دوسرا سیمی فائنل آسٹریلیا اور نیدرلینڈز کی ٹیموں کے مابین شام6بجے کھیلا جائے گا۔تفصیلات کے مطابق ورلڈ کپ ہاکی ٹورنامنٹ بھارت میں جاری ہے اور اپنے اختتامی مراحل کی طرف گامزن ہے۔میگا ایونٹ کے دونوں سیمی فائنلز (آج)ہفتہ کو کھیلے جائینگے۔

پہلا سیمی فائنل میچ انگلینڈ اور بیلجیئم کی ٹیموں کے درمیان کھیلا جائیگا جبکہ دوسرا سیمی فائنل میچ اسی روز دفاعی چیمپئن آسٹریلیا اور ہالینڈ کی ٹیموں کے درمیان کھیلا جائیگا۔ اس سے قبل کھیلے گئے کوارٹر فائنل راؤنڈ میں انگلینڈ نے ارجنٹائن کو، بیلجیئم نے جرمنی کو، آسٹریلیا نے فرانس کو جبکہ ہالینڈ نے میزبان بھارت کو شکست دیکر میگا ایونٹ کے ٹاپ فور کے لئے کوالیفائی کیا ہے۔ واضح رہے کہ سیمی فائنل مرحلے کے بعد دو فائنلسٹ ٹیموں کے درمیان میگا ایونٹ کا فائنل اتوار کو کھیلا جائے گا۔