بھینشور (این این آئی)ورلڈ کپ ہاکی میں پاکستان ٹیم ایک بار پھر اگر مگر کے چکر میں پھنس گئی ٗ ہالینڈ سے شکست کے باوجود گرین شرٹس کو ایک چانس مل گیا ٗ مقدر کا فیصلہ (آج)منگل کو ہوگا۔تفصیلات کے مطابق ہالینڈ، جرمنی سے شکست اور ملائیشیا سے میچ برابر کرنے کے باوجود پاکستان کے پاس کوارٹر فائنل کھیلنے کا ایک چانس مل گیا وہ (آج)11 دسمبر کو بلجیم کے خلاف

میدان میں اتریگا گروپ سے کوارٹر فائنل کا ٹکٹ فائنل کرنے والی ایک اور ٹیم جرمنی کی ہے،جس نے ملائیشیا کو 5۔3سے شکست دی اور گروپ میں 9 پوائنٹس کے ساتھ ٹاپ کیا۔گروپ میں پاکستان اور ملائیشیا کے پوائنٹس برابر ہیں یعنی 1۔1 لیکن گرین شرٹس کا گول اوسط بہتر ہے اس لئے ملائیشیا کی ایونٹ سے چھٹی ہوگئی ۔(آج)منگل کو دوسرے میچ میں ہالینڈ کا مقابلہ کینیڈا سے ہو گا۔

موضوعات:گرین شرٹس