اسلام آباد (نیوز ڈیسک) ن لیگ کے ناراض رہنما و سابق وزیر داخلہ چوہدری نثار علی خان نے سیاست میں آزاد حیثیت میں پرو ایکٹو رول ادا کرنے کا فیصلہ کر لیا ہے، وہ نہ تو ن لیگ میں واپس جا رہے ہیں اور نہ ہی وہ کسی اور سیاسی جماعت کا حصہ بن رہے ہیں۔ ایک موقر قومی اخبار کی رپورٹ کے مطابق چوہدری نثار علی خان نے تحریک انصاف کی جانب سے انتخابات
سے قبل دی گئی شمولیت کی دعوت قبول نہیں کی تھی اور نہ ہی انہوں نے اب حکومت کا حصہ بننے پر آمادگی ظاہر کی ہے، موجودہ صورتحال میں وہ اپنے مسلم لیگی تشخص کو برقرار رکھیں گے، اخبار کے مطابق چوہدری نثار ملک کی سیاسی صورت حال پر اپنے بیان جاری کرتے رہیں گے اس کے علاوہ وہ کبھی کبھی انٹرویو دینے کا سلسلہ بھی جاری رکھیں گے۔
