سیالکوٹ(آئی این پی) پاکستان مسلم لیگ (ن) کے رہنما و سابق وزیر خارجہ خواجہ محمد آصف نے کہا ہے کہ حکومت کی 100 روزہ کارگردگی پر صفر دوں گا، ریائتی نمبر بھی نہیں دوں گا،کمرہ امتحان میں خالی پرچہ چھوڑ آئے ہیں،ڈالر 145 روپے پر پہنچ گیا ہے ایک رات میں 9 روپے اوپر چلا گیا،100 دن کی کارگردگی اخباری تراشوں تک محدود ہے،

خالی باتوں سے پیٹ نہیں بھرتے،کھاد سے لیکر گیس بجلی عام استعمال کی اشیا سبزیاں گوشت ہر چیز عام آدمی کی پہنچ سے دور ہیں ۔ جمعہ کو اپنے ایک بیان میں سابق وزیر خارجہ خواجہ محمد آصف نے کہا کہ حکمران 100 دن میں یو ٹرن لیتے رہے،قوم سے کیے گئے اپنے وعدوں سے منخرف ہوگئے بیوروکریسی نے قلم چھوڑ ہڑتال کر رکھی ہے جس کی بنا پر ادارے مفلوج ہوگئے ہیں کیونکہ انکے پاس کوئی پلان نہیں،حکمران ہمارے منصوبوں پر تختیاں لگا کر عوام کو بیوقوف بنانے کی کو شیش کر رہے ہیں،سب سے بڑا ظلم نوجوانوں سے شائستہ زبان چھین لی ہے ،سو دن کا سفر مکمل طور پر ناکامی کا سفر ہے کٹے اور مرغیوں کو پالا جائے گا پھر انڈوں سے بچے نکلیں گئیں ،ملک کٹے اور مرغیوں سے ترقی نہیں کرتے،جس طرح کٹے اور مرغیوں کی باتیں کرتے ہیں اسی طرح مکانوں اور نوکریوں کی باتیں کررہے ہیں ،خواجہ محمد آصف نے کہا کہ حکومت کے پاس ابھی تک کوئی پلان نہیں ہے ،ہم نے ملک سے دہشت گردی ختم کی گیس اور بجلی کی لوڈشیڈنگ ختم کی ،فوج اور پولیس نے قربانیاں دیں،دن بدن مہنگائی بڑھتی جارہی ہے اور ملک میں ناامیدی کی فضا پھیل رہی ہے حکومت نے کوئی100 دن میں کوئی ہدف حاصل نہیں کیا۔ پاکستان مسلم لیگ (ن) کے رہنما و سابق وزیر خارجہ خواجہ محمد آصف نے کہا ہے کہ حکومت کی 100 روزہ کارگردگی پر صفر دوں گا، ریائتی نمبر بھی نہیں دوں گا