ا سلا م آباد (آئی این پی )وزیراعظم عمران خان نے سیالکوٹ میں کالج وومن یونیورسٹی کا افتتاح کیا لیکن سوشل میڈیا پر اس حوالے سے ایک نئی بحث چھڑ گئی ہے۔وزیراعظم عمران خان نے آج سیالکوٹ میں گورنمنٹ کالج وومن یونیورسٹی کا افتتاح کیا اور ساتھ ہی انہوں نے گزشتہ حکومتوں کو تنقید کا نشانہ بناتے ہوئے کہا کہ میں سڑکوں کے فیتے نہیں کاٹوں گا بلکہ یونیورسٹیوں کے فیتے کاٹوں گا۔لیکن سوشل میڈیا پر سیالکوٹ گورنمنٹ خواتین یونیورسٹی کے سابق وزیراعلی پنجاب شہبا شریف کے ہاتھوں
سنگ بنیاد کی تختی کی تصویر وائرل ہو گئی۔ایک انٹرنیٹ صارف نے لکھا کہ جس یونیورسٹی کا افتتاح شہباز شریف نے 8 مئی 2017 کو کیا تھا اس کا سنگ بنیاد عمران خان نے آج 28 نومبر 2018 کو کیا۔ جس یونیورسٹی کا سنگ بنیاد میاں شہباز شریف نے 8 مئی 2017 کو رکھا تھا اس کی کھدائی کا افتتاح) آج مورخہ 28 نومبر 2018 عمران نیازی نے کی۔نیازی صاحب میاں شہباز شریف کے شروع کیے ہوئے پراجیکٹ پر اپنے نام کی تختیاں لگاتے ہوئے شرم تو نہی آئی ہو گی۔ مسلم لیگ ن کے رہنما خواجہ آصف نے بھی سوشل میڈیا پر ٹوئٹ میں کہا کہ سیالکوٹ گورنمنٹ خواتین یونیورسٹی کئی برس قبل شہباز شریف کی حکومت میں قائم ہوئی۔انہوں نے مزید لکھا کہ موجودہ کیمپس کے علاوہ 200 ایکڑ زمین بھی الاٹ کی گئی، شہباز شریف نے نئے کیمپس کا سنگ بنیاد رکھا۔خواجہ آصف نے وزیراعظم کو تنقید کا نشانہ بناتے ہوئے اپنے ٹوئٹ میں کہا کہ آج عمران خان اس کا دوبارہ افتتاح کرکے رنگ بازی کر گئے۔ سیالکوٹ گورنمنٹ خواتین یونیورسٹی کا قیام کئی سال قبل شہباز شریف کی حکومت میں ھوا۔موجودہ کیمپس کے علاوہ 200ایکڑ زمین بھی الاٹ کی گئی۔شہباز شریف نے نئے کیمپس کا سنگ بنیاد رکھا۔آج عمران خان اسکا دوبارہ افتتاح کرکے رنگ بازی کر گیا۔ سابق وفاقی وزیر احسن اقبال نے بھی سوشل میڈیا پر ٹوئٹ کی کہ ن لیگ کے دور حکومت کے دوبارہ فیتے کاٹنا ہی نیا پاکستان ہے۔
