لاہور( نیوزڈیسک) نیا پاکستان ہاؤسنگ سکیم کے تحت پنجاب کے تین اضلاع میں 3اور 5مرلہ کے 3200گھر بنانے کا اعلان کر دیاگیا ۔صوبائی وزیر ہاؤسنگ میاں محمودالرشید کی زیر صدارت پنجاب ہاؤسنگ اینڈ ٹاؤن پلاننگ ایجنسی کا اجلاس ہوا۔اجلاس میں فیصلہ کیا گیا کہ لودھراں میں 3اور 5مرلہ کے 800، اوکاڑہ

میں 1000اور چشتیاں میں 3مرلہ کے 1400گھر تعمیر کیے جائیں گے۔ تعمیر کا آغاز جنوری میں ہوگا جبکہ گھروں کے لیے درخواستیں دسمبر میں وصول کی جائیں گی۔ میاں محمود الرشید کے مطابق دوسرے مرحلے میں سیالکوٹ، فیصل آباد، چنیوٹ اور سرگودھا میں کام کا آغاز کیا جائے گا۔